زبُور ۹۱

پہلا حِصّہ

پہلا وزن

1

خُدا دے پردے  ہیٹھاں  جو  کوئی  اِنسان  رہندا  ہے

خُدا دے کھنب دی چھاں ہیٹھا ں تے اوہ آرام پاندا ہے

2

پنا ہ میری خُداوند ہے میَں ای ہو سب  نُوں  آکھاں  گا

قلعہ میرا خُداوند  ہے  میَں  آسرا  اوس تے  رکھاں  گا

3

شکاری   دِیاں  پھاہیاں  تھوں  خُدا  تینوں  چُھڈاوے  گا

وبا تے  مَری  بھاری  تھوں  تد  اوہ  تینوں  بچاوے  گا

4

تے   اپنے  کھنب  دے  ہیٹھاں  لوکاوے  خُدا  تینوں

اوہ اپنے پَر دی  چھاں  ہیٹھاں سو  دیوے  گا  پناہ  تینوں

5

تیرے   ہتھیار  ہوون   گے   خُداوند   دِی   وفاداری

ڈراوے گا  نہ  دِن  دا  تیر  نہ  تینوں  رات  اندھیاری

6

نہ کُجھ  نقصان  دیوے  گی  ہنیرے   دِی   وبا  تینوں

تپالی جیہڑی چَٹ کر دی ہے  مُلکاں  نُوں  دوپہراں  نُوں

7

تپالی تیرے  سّجے  ہتھ  ہزاراں  نوں  لے  جاوے  گی

کدی وی  کول  تیرے  ایہہ تپالی  پھیر  نہ  آوے  گی

8

تُوں اپنی  اَکھیاں  تھوں  حال  ویکھیں  گا  شریراں  دا

خُداوند   بدلہ   دیندا   آپ  اوہناں  دِی  شرارت   دا

———————-

تپالی : تپش ، حرارت ، وبا