زبُور ۶۳

کورس

تڑکے مَیں تینو ں ڈھونڈاں  یا  ربّ  میرے  خُدایا

1

میری   جان  تیری  تہائی  تن  میرا   خُشک  سائی

دُھپ  نے  زمین  جلائی  مَیں  وی  ہاں  تیرا  تہایا

2

مَیں ویکھاں تیری قدرت نالے تیرا زور تے حشمت

جیہا  تیرے گھر  مُقدس  وِچ  مینوں  نظری   آیا

3

تیری     جو    مہربانی    بہتر     کہ     زندگا نی

ہووے    میری    زُبانی    وڈیائی    دی    خُدایا

4

جد تیک میں جیوندا رہاں گا دھن باد تینوں  کہاں  گا

ناں تیرا  جاں  مَیں  لاں  گا  ہتھ  اپنا  تاں  اُٹھایا

5

رَج میری  جان  جاوے  جیوں  چربی  گودا  کھاوے

مُنہ میرا  گیت  گاوے  خُوشیاں  دے  وِچ  جو  آیا

6

راتیں  جدوں  میں  سوناں  تیرے  خیال  وِچ  بھونا

تیرے  پراں  دے  ہیٹھاں خُوش  رہناں  ہاں  خُدایا

7

تدھ  نال  پریت  ہے  میری  ہتھ  تیرا  دے دلیری

جو   چاہندے    جان   میری   متا   مار   دا   پکایا

8

جاون   پتال   اوہ   سارے    تلوار    نال  مارے

بد حال موئے  وچارے  گدڑاں  نے  سب نُو ں کھایا

9

ربّ تھیں خُوشی  شاہ  پاندا  اوس  دی  قسم  جو کھاندا

خُوش   ہو   خُوشی   منادا   جھوٹھے  نُوں  چُپ کرایا

تڑکے: صبح سویرے ۔ تہائی: پیاسی