زبُور ۳۸

پہلا حِصّہ

پہلا وزن

1

غُصّے   نال    نہ   جھڑکیں   مینوں   اَے   خُدا

جوش  وِچ   اپنے   قہر  دے   دئیں   نہ   سزا

2

مینوں    تیرا    تیر   ہن   لگا   کاری    ہے

میرے  تے   ہتھ   تیرا   ڈاہڈا   بھاری   ہے

3

تیرے   غُصّے    نال    ہے    تن   میرا  بیمار

ہڈیاں   بے   آرام   ہین   مَیں   ہاں   گنہگار

4

میرے   سِر  تھوں  لنگھے  میرے  سب  گناہ

ایڈے   بھارے   ہوئے   چُکے   جاندے   نہ

5

میرے   زخم   ہوئے    بدبُو    دار   کمال

سڑے  بالکل  میری  بے  عقلی  دے   نال

6

کُبا  ہو  مَیں   جھُک گیا  روندا  صُبح  شام

پِٹھ ہے سَڑ دی  رہندی تَن وِچ  نہ آرام

7

مَیں  بے  تاب ہو گیا  پِٹھا  جاندا  ہاں

دِل ہے  روندا  رہندا  مَیں  چلاندا  ہاں

8

یا رَبّ میرا شوق ہے  تیرے ہی  حُضور

میرا   آہیں  مارنا  تیتھوں  نہیں  دُور

===============

پِٹھا : پسا ہوا