زبُور ۲
پہلا وزن

کورس
لوک کاہدے  لئی   پاندے  ڈنڈ
کاہدے    لئی   پاندے    ڈنڈ
سردار   تے    سب    بادشاہ
مسیح تے رَبّ دی ضد دے وچ
کیوں کر   دے   ہین   صلاح
1

اوہ رَل کے کہندے آئو  بند  اوہناں  دے کھولاں گے
اوہناں دے رسے  اپنے  تھوں  ترڑو  کے  سُٹاں  گے
2

اَسماناں  تے  جو بیٹھا   ہے   اوہناں    تے  ہسّے  گا
رَبّ اوہناں نُوں  مخولاں  نال  ہُن  آپ  اُڈاوے  گا
3

تَد غُصےّ   ہو  کے  اوہناں  نُو ں  کرے   گا  پریشان
تے غُصّے دے وچ اوہںا ں  نُوں ایہہ کرے گا  فرمان
4

صیحون  دے  پاک  پہاڑ  تے  مَیں  بٹھایا  اپن شاہ
یہواہ    دا  فرمان  جو  ہے  مَیں   اوہ   سُناواں   گا
5

تُوں بیٹا میرا اَج تھوں ہیں باپ تیرا  ای  میں  ہاں
تُوں میتھوں سنگ تے تینوں میَں سب قوماں دیاں گا
6

تے کُل زمین دے  حصّے  دی  میں تینوں  دیاں  گا
اوہناں نُوں لوہے دےسوٹے نال تُوں آپ تروڑیں گا
7

کمہیار دے بھانڈے وانگر تُوں بھنیں گا  اوہناں نُوں
سب   بادشاہ     تے   معصفو   منو نصیحت  نُوں
8

پُوجو ڈر  نال  یہواہ  نُوں  خوف  نال  کرو  خُوشی
بیٹے  نُوں  چُموں  تاں  راہ  وچ  نہ  ہوئو فنا  وی
9

کیوں جو ہُن قہر خُداوند  دا چھیتی نال  بھڑکے  گا
اوہ جیہڑے اوس تے رکھدے آس مُبارک ہَین سَدا
———————–

ڈنڈ : شور۔معصفو:انصاف کرنے والا