زبُور۱۱۹

ُپہلا حِصّہ

پہلا وزن

1

دھن حال اوہناں دا ہے جو ٹھیک  چال   چلدے

شرع  یہواہ  والی   دِل  تھیں  جو   ہین  مندے

2

دھن اوہ  جو  یاد  کردے  اوہدی   شہادتاں  نُوں

اوہ اپنے سارے دِل تھیں ہین ڈھونڈدے خُدا  نُوں

3

اوہ کردے نہ بُریائی پر رَبّ دے راہ نُوں پھڑ دے

تیری شرع نُوں دِل تھیں ہُن یاد اسیں ہاں کردے

4

میں   چاہیا  میریاں   سب  ہوون  دُرست  راہاں

تیری  شرع  دے  اُتے  میں  اپنا  دِل   لگاواں

5

جَد تیرے  حُکماں  اُتے  میں  اپنی  اَکھیاں  لاواں

شرمندہ   میں  نہ  ہوواں  نہ  شرم  کُجھ  اُٹھاواں

6

تیرے نیاں  جو  سّچے  یا  رَبّا  میں  اوہ سِکھ  کے

اُستت تیری  کراں  گا  ہاں  نال سّچے  دِل  دے

7

میں دِل تھیں یاد  رکھاں  فرمان  تیرے  سارے

مینوں کدی نہ چھڈیں اوڑک  دے  تُوں  دہاڑے

============

دھن : مُبارک ۔ نیاں : انصاف

اُستت: حمد و ثنا ۔ اوڑک : انجام ،اخیر