زبُور ۱۱۹

چودھواں حِصّہ

چودھواں وزن

چراغ   ہے  میرے  پیراں  لئی  کلام  تیرا

تے میرے راہاں دے وِچ اوہ ہے روشنی کردا

108

کراں  گا  پورا  اوس نُوں قسم جو کھادی اے

کہ فیصلے تیرے  سب  سّچے  یاد  رکھاں  گا

109

ہے  میرے اُتے  مصیبت  یہواہ  اَت بھاری

سو اپنے قولاں نُوں تُوں یاد کر کے مینوں جوا

110

قبول  کر  میرے  سب  مُنہ  دے  ہدیے

یہواہ  اپنیاں  ہُن   تُوں   عدالتاں   سکھلا

111

ہمیشہ  میری  ہتھیلی  اُتے  ہے  میری  جان

میں  تد  وی تیری شریعت نہیں  بھُلائی  ذرا

112

وچھایا   جال   میرے  واسطے  شریراں   نے

میں تد وی فرضاں تھیں تیرے ذرا  نہیں  ہٹیا

113

تیرا  کلام  ہے   میری   ہمیشہ   دِی  میراث

تیری شہادتاں تھوں  میرا  دِل  ہے خُوش رہندا

114

میں کیتا اپنے دِل  نُوں  ہے  اِس  طرف  مائل

کہ تیرے  قاعدے دستوراں اُتے  چلاں  سدا