زبُور ۱۰۳

پہلا حِصّہ

پہلا وزن

1

تُو آکھ اَے میری  جان  مُبارک خُدا  ہے

تے اوسے  دا ہی  ناں  پوتر  سدا  ہے

2

کدی وی نہ بُھل  بخششاں  اوہدیاں  نُوں

تُوں کہہ اَے میری جان مُبارک خُدا ہے

3

تیرے سارے پاپاں نُوں اوہ  ہے  بچاندا

تینوں سارے روگاں تھوں دیندا شفا ہے

4

تیری جان نُوں  موت تھوں  اوہ  بچاندا

تینوں   تاج  رحمت  دا کردا  عطا  ہے

5

تینوں چنگیاں چیزاں نال اوہ ہے   رجاندا

تیری عمر نُوں  اوہ  خُوشی  بخشدا  ہے

6

عُقاباں دے وانگر تینوں زُور دے  کے

اوہ تیری  جوانی  نُوں  کردا  نیا  ہے

7

ہاں سب دُکھیاں کنگالاں دے لئی آپیں

نیاں   نال   سچیائی   کردا  خُدا  ہے

8

وکھایا ہے راہ اپنا موسی نوں اوس نے

بنی   اسرئیلیاں  دا  اوہ  رہنماہ  ہے