گیت نمبر ۵۱
اَساں یسُوع دے دوارے اُتے رہنا
اوہ رحمتاں دا بانی اے
ہتھ بنھ کے غلامی وچ رہنا
اوہ رحمتا ں دا بانی اے
1

یسُوع جگ وچ آن کے رسائیاں کیتیاں
پاپاں والیاں جہان تھوں صفائیاں کیتیاں
تیرے در تھوں کِتے نہیں نس جانا
اوہ رحمتا ں دا بانی اے
2

عرضی قبول کر لے تُوں اوگن ہاری دی
لڑکی میری بیمار رُوح بچ جائے وچاری دی
مونہوں منگیاں مُراداں لے کے جانا
اوہ رحمتا ں دا بانی اے
3

سُن سولی والے آکھیا سُناواں تینوں میں
ایہناں اسرائیلی بھیڈاں نوں رجاواں پہلاں میں
دیواں تینوں جو بچیاں دا کھانا
اوہ رحمتا ں دا بانی اے
4

تیرے در تھوں نہ جانا میں سولی والیا
میز تیرے تھوں کھانا میں سولی والیا
اساں تاج شہادت پا لینا
اوہ رحمتا ں دا بانی اے