گیت نمبر ۴۶
کورس
شافی آ گیا میرا شافی آ گیا
بول مِٹھے بولدا سودے سچُے تولدا
میرے نال گلاں کیتیاں مسیحا آپ نیں
میرے کھول کھول دَس دِتے سارے پاپ نیں
دِلاں دیاں جاندا سب نوں پچھاندا
ساڈی پوری ہو گئی مُدتاں دی آس اے
اوہنوں ویکھ دیاں مُک گئی ساری پیاس اے
اوہدا نوری چہرہ فتح والا سہرا
اوہدے نال بارہ چیلے اوہ مختار لگدا
اوہ تے آون والا نبی سردار لگدا
اوہ حبیب ربّ دا اوہ عجیب لگدا
کرے پتھراں نوں موم ایہہ کلام اوسدا
اوہ تے سچ مچ لگے الہام اوسدا
تُسی سچ جان لو شافی نوں پچھان لو