گیت نمبر ۴۳
کورس
تینوں غا فلا سُرت نہ آئی چڑیاں بول گئیاں
1

چڑیاں چُوں چُوں کرن سرہانے، ایہہ بولی کوئی وِرلا جانے
کردیاں ذِکر خُدائی
2

کاں کاں کرن سرہانے تیرے، کالے کالے کاگ بہیترے
پاون پئے دُہائی
3

سُتا ایں وِچ سفر دے راہیا، اُٹھ نہ غافل ہو سپاہیا
تیری منزل دُور دی بھائی
4

ڈاکو تیرے مگر نے لگے،چور نے تیرے سجے کھبے
لُٹ نہ لین کمائی
5

کِتھوں آئیوں کِتھے جانا، سُرت سنبھال بن مرد سیانا
ایَویں کیوں عُمر گنوائی
6

اَگا پچھا چَوڑ تُوں کیتا، بھر کے پاپ پیالہ پیتا
مریں گا موت اَنائی
7

لمی تاں سُتا ایں وچ وہڑے، دِین دُنی دے چھڈدے جھیڑے
گُرو بِن کون جگائی
8

پنچھی بولن تیرے سرہانے، ایہہ بولی تاں اوہدا جانے
جس پریت یسوع نال لائی
9

ایہہ دنیا کوئی دم دا میلہ، یسوع مسیح دا بن جا چیلا
تیری ہووے تُرت رہائی