گیت نمبر ۳۶
اُتے   سولی  دے  مسیحا  جند  گھولدا
قیدی  عُمراں  دے  ویکھو  پیا  کھولدا
1

کیویں   ظالماں  نے   ظلم  کمایا  سی
مارے کوڑے نالے سولی تے چڑھایا سی
دُکھ جھلدا تے مونہوں نہیں سی  بولدا
2

تاج   کنڈیاں  دا   سِر  اُتے   دھریا
کھاہدی   مار  کوڑیاں   دی  دُکھ  جریا
بوہا   بند   جو   بہشتاں  والا   کھولدا
3

رُوح  اللہ  دا  صلیب  تے  ظہور  سی
سورج چھُپ گیا  اندھیرا  دُور  دُور  سی
عرش   کنبیا  تے   فرش  پیا   ڈولدا
4

دفن   ہویا    شافی   کیتیاں   تیاریاں
دِن    تیجے    شافی   ماریاں   اُڈاریاں
بند  موت   والے   ویکھو   پیا  کھولدا
5

میرے عیباں تے گُناہاں نوں  سی  کجیا
بدل   رحمتاں   دا   عرش  وچ  گجیا
ایلی   ایلی   دا   آوازہ   شافی  بولدا
6

راتاں    دُور   ہویاں  میریاں  ہنیرہاں
تیرے  ہتھ  نے  نجاتاں  شافی  میریاں
تیرے باہجوں کیہڑا  دُکھ میرے  پھولدا