گیت نمبر ۳۳
کون کسے دی تھاں  تے  حامی  بھردا اے
کون کسے رُہڑدے نوں بانہوں پھڑدا  اے
یسُوع مسیح  پاپی  دی  حامی   بھردا  اے
1

تھکن منہ تے ہتھیارے نہ ڈر دے  نیں
مارن کوڑے  چنڈاں   منہ  جڑدے  نیں
کون کسے دی تھاں تے دُکھڑے جردا اے
2

کِل لگا کے سولی  تے  لٹکا  وندے  نیں
بے قصور معصوم تے  ظلم  کماوندے  نیں
مجرم ہورتے  ہور  پیا  سولی  چڑھدا  اے
3

سہندا   دُکھ  تے  تانویں  کیتی   نہ  پروا

دُشمن دے نال  اوہ  نہ  کردا  مول  بُرا
باپ تُوں کر دے معاف دُعاواں کردا اے
4

طالب اکھیاں کھول کے  تُوں  پچھان  لئیں
کون  تیرا  دُنیا  تے   دردی  جان  لئیں
تیتھوں واری جان نہ  موتوں  ڈردا  اے