گیت نمبر ۱۶
سولی پاپاں دے کفارے دِی  نشانی  ہو گئی
ساری    دُنیا   لئی   اکو   قربانی   ہو   گئی
1

سونے چاندیاں دے نال نہ خُدائیاں لبھیاں
خُون بکرے دے نال  نہ  رہائیاں  لبھیاں
اوہدی  قربانی   جگ   تے   نشانی   ہو گئی
ساری    دُنیا    لئی    اکو   قربانی   ہو گئی
2

دے کے خون دا کفارا جگ نوں چھڈ ا لیا
آکے  ہیکل  وچ  اکو  واری  پھیرا  پا  لیا
گل  پوری  ایہہ  کلام  دی  زبانی  ہو گئی
ساری   دُنیا  لئی     اِکو     قربانی   ہو  گئی
3

کیہڑا  طالبا  کِسے  دے  لئی   سولی   چڑھدا
ڈٹھا کوئی نہیں کسے دی موت  آپے   مردا
اوہدی  جگ   اُتے  کِڈی   مہربانی   ہو گئی
ساری   دُنیا    لئی   اِکو     قربانی   ہو گئی