زبُور ۶۵

پہلا حِصّہ

1

صیحون دے وچ  اڈیکدی حمد تینوں  اَے  خُدا

ہاں تیرے  اَگے  نذراں سب کرن  گے  ادا

2

دُعا   دا  سُنن  والا  ہیں  توئیں  اَے  رحمان

تے آون گے کول تیرے سب جنے ہیں انسان

3

گُناہ  نے   مینوں   ڈھایا   خُداوند  پاک  خُدا

کفارہ   دیندا   توئیں   اساڈے   پاپاں    دا

4

تُوں چُنیا جِس نُوں یا ربّ  مُبارک  اوہ  اِنسان

نزدیکی  بخشی  اوس  نُوں  ودھائی  اوہدی  شان

5

بارگاہ وِچ تیرے دَسے  تا  ہووے  خُوب  نہال

رجاں گے اَسیں تیرے پاک گھر وی خُوبی نال

6

چُھڈاون  والے ربّا   تُوں  ساڈی  عرضاں  دا

ڈر  والا  اُتر  ساہنوں  نیاں  نال   دیویں   گا

7

سرحداں تے سب  کنڈھے  زمین  سمندر  دے

خُدایا   تیرے   اُتے   بھروسا   رکھن    گے

اُتر : جواب ۔ نیاں :انصاف