زبُور ۵۱

تیجا حَصّہ

دُوجا وزن

یا  ربّ میرے  پاک  خُدا  بُزرگی  تیری  کراں  گا

14

یا ربّ میرے پاک خُداوند کھول دے لب تُوں میرے

میرا دِل تد خُوشیا ں دے نال گاوے گیت وی تیرے

15

تُوں  قُربانی نُوں نہیں چاہندا  نہیں  تے  تینوں  دیندا

تُوں چڑھاویاں تھوں  یا  ربّا کدی  نہیں  خُوش  ہندا

16

ٹُٹی جان نوں تیرے اَگے  جو  کوئی  لے کے  آوے

ٹُٹے  دِل  دی  ایہہ  قُربانی  تینوں  یا  ربّ  بھاوے

17

اپنی  رضا  مندی   دے  نال  شہر  صیحون  وسائیں

یروشلم   دِیاں  کنڈیاں  تُوئیں  یا  ربّ  پھیر  بنائیں

18

تَد   سچیائی  دِی  قُربانی   سارے   پاک   چڑھاوے

سوختنی   قُربانی  دی  تَد  تیرے  مَن  نُوں  بھاوے

19

تیرے   مذبحے  تے  خُدایا  سارے  لوک  تد  آون

اپنے دِل  دِی خُوشیاں  دے نال بیل قُربان  چڑھاون