زبُور ۔ ۴۹ 

پہلا حِصّہ

پہلا وزن

کورس

سُنے دَھر کَن اَدنی اعلی محتا ج تے دَولت والا

1

میرے مُنہ نے حکمت والے ، کلمے نیں خُوب نکالے

میرا دِل ہے دانش والا

2

تمثیل اُتے کن  لانواں ، نالے  بربط خُوب وجاواں

کھول دَساں بھید نرالا

3

ڈراں دُکھ دے کیوں دہاڑے ، بَد گھیرے مار کے واڑے

جیہڑا دَولت دا متوالا

4

اوہناں وِچ نہ کِسے نُوں  یارا ،  جو بھائی دا دے کفارا

ایہہ بدلہ نہیں سوکھالا

5

ایہہ کم کدی نہ ہو  گا  ،  اوہ سَدا نہ  جیون  جو  گا

کرے موت نہ اُس تھیں نالا

6

اوہ ویکھے دانا مُردے ، مُورکھ دِی  وانگ  ڈَنگر  دسے

دَھن دُوجیاں ایہہ سنبھالا

7

اوہ سوچے ساڈے گھر دِی ، سَدا قائم رہندے دَر دِی

مَیں ہاں زمیناں والا

8

اوہ سَدا نہ عیش کمانڈا ، وانگ ڈنگر دے  مَر جاندا

انسان جو دولت والا

9

نادانی راہ اوہناں  دا  ،  جو مگر اوہناں  دے جاندا

مٹے اوہناں دا چالا

10

بیھیڈاں وانگر قبرے پائے ، چر مَوت اوہناں نُوں جائے

سچیارا ہون حاکم اعلی

11

موت شکلاں سب وَگاڑے ، جَد جا پین قبرے سارے

رہیا کوئی نہ پھر گھر والا

مورکھ: بیوقوف،احمق ۔ ڈنگر: حیوان،جانور

مگر: پچھے ، تعاقب کرنا ۔ چر: مویشیوں کا گھاس کھانا