زبُور ۴۵
دُوجا حِصّہ
13
سُن اَے بیٹی تُوں ایہہ سوچ لے اپنا کن تُوں ایدھر کر
اپنی قوم تے اپنے پیو دا دِل تھوں تُوں بُھلا دے گھر
14
تاں جو بادشاہ عاشِق ہووے تیری خُوش جمالی دا
اُوہدے اَگے سجدہ کر تُوں اوہو تیرا ہے خُدا
15
طیر دِی بیٹی تیرے اَگے نذراں تحفے لے آوے گی
قوم دے دَولت والے ہوءون تیرے سب خُوشامدی
16
گھر دے اندر ہے شہزادی کل جلال نال جلوہ گر
اوہدا سب لباس سنہرا بُوٹے دار ہے سراسر
17
شاہ دے کول لیائی جاندی رنگا رنگ پوشاکاں پہن
سب کواری سہلیاں اوہدیا ں پِچھے پِچھے آو ندیاں ہین
18
اوہ پُچائی جاندیاں ہَین سب دل وِچ خُوشی ہے کمال
شاہ دے محلاں اندر داخل ہُندیاں اوہ سب خُوشیاں نال
19
تیرے سارے پُتر ہوون تیرے پیو دادیاں دی جا
اوہناں نُوں ایس دھرتی اُتے تُوں سردار ٹھہرا ویں گا
20
سب قوماں دے اندر تیرا نام کراواں گا مَیں یاد
تیری مہماں سَدا تیکر گاون گے سب آدم زاد
طیر: صُور ۔ مہماں : بڑائی ، بزرگی ،عظمت
