گیت نمبر ۴۱۸
یسُوع ناں دا چرچا گلی گلی
اوہدے ناں تھوں مشکل ساری
سر تھوں رہندی ٹلی ٹلی
1

اپنی قدرت دے نال چلدے طوفاناں نوں ٹھلے
اپنی من مرضی دا مالک جد پانی تے چلے
اوہدے پیراں ہیٹھاں پانی رکھدے تلی تلی
2

میرے وہیڑے دے وچ ویکھو خُوشبو اوہدی آوے
میرا دِل ہر ویلے سجنو گُن یسُوع دے گاوے
میری سوچ دے باغ دی ویکھو کھڑگئی جے کلی کلی
3

پوری کیتی اوہنے ازل دے خواباں دی تعبیر
اوہدے پاک کفارے ساڈی بدل دی تقدیر
اوہدے ناں تھوں مُشکل ساری سر تھوں رہندی ٹلی ٹلی

Scroll to Top