گیت نمبر ۱۸۴
کورس
ساڈے گُناہاں بدلے یسُوع نثار ہویا
سُولی اُتے برچھی کھا کے ساڈا غم خوار ہویا
1

عرشاں دی شاہی چھڈی
شان خُدائی چھڈی
چرنی وِچ آدم بن کے
یسُوع اوتا ر ہویا
2

تاج دے کَنڈے چُبھدے
ہتھیں پیر یں کِل نے کُھبدے
ظالم دا نیزہ اوہدے سینے تھوں پار ہویا
3

یسُوع دے مُنہ اُتے تُھکدے
مار مار مُکے ہَسدے
طعنیاں دے نال اُس دا
سینہ فگار ہویا
4

یسُوع نال جیہڑی ہوئی
مریم تھوں پُچھے کوئی
جس دے سینے دا ٹکڑا
سُولی اسوار ہویا

Scroll to Top